![](https://1.bp.blogspot.com/-VQTVqnkK0QE/XcCNe34REuI/AAAAAAAAAHw/UoBrHql9iZsB3grb4Sx-F13qZryeFZr1wCNcBGAsYHQ/s1600/sub.png)
ببجي علي رجال المبيعات مرحلة كده يحسوا فيها بعدم الشعور بأهمية ما يقوموا به أو الإحساس بأنهم هما الوحيدين اللي بيفهموا ومحدش تاني بيفهم أحسن منهم و بيسمحوا إنهم يعيشوا في #الفوضي_المنظمة
المرحلة دي الغالي فى أيديهم بيبقي رخيص و الدهب فى أيديهم بيبقي تراب وعادى مش فارقة كتير.
المرحلة دى أغلب #رجال_المبيعات بمختلف مستوياتهم الوظيفية ممكن يمروا بها وكأنها مقدر ومكتوب أننا لازم نعبر من خلال هذه المرحلة التى وصفي لها ب #أخطر_مرض ممكن يصيب رجال المبيعات![☠️](https://static.xx.fbcdn.net/images/emoji.php/v9/tab/1/16/2620.png)
![☠️](https://static.xx.fbcdn.net/images/emoji.php/v9/tab/1/16/2620.png)
ولكن فى الحقيقة المرض ممكن يصيب اي حد مش شرط رجال المبيعات.
ومع الأسف أي إنسان سمح لهذا المرض ان يعيش معاه فهو بيدمر حياته للأبد ![😭](https://static.xx.fbcdn.net/images/emoji.php/v9/t40/1/16/1f62d.png)
![😭](https://static.xx.fbcdn.net/images/emoji.php/v9/t40/1/16/1f62d.png)
المرض ده هو #الاعتياد_على_وجود_الشغل واحيانا بيكون الغرور الزائد عن الحد لدرجة إننا لا نتقبل الرأي الآخر ونسير علي نفس الخطي وننتظر نتائج مختلفة.
مع الأسف فى ناس كتير بتتعود على وجود الشغل اللي يعتبر من النعم فى حياتنا.
وفي ناس كتير الغرور قتل جواهم إنهم يتعلموا و يتطوروا من انفسهم لدرجة إن البعض من رجال المبيعات بسبب الاعتياد والغرور بطلوا إنهم يهتموا بتطوير انفسهم وكانهم كتبوا تنازل عن نجاحهم لناس تانيه و يرجعوا يزعلوا.
ده غير #إساءة_استغلال وجودهم في العمل في المبيعات لخدمة مصالحهم الشخصية علي حساب ضمائرهم وخدمة المصلحة العامة للكيان الذي يعملون به.
ده كفيل أنه يدمر حياتهم وللأسف على مدار خبرتي في #تطوير_الاعمال_والمبيعات
العلاج الوحيد للمرض ده هو #صدمة_الفقدان إذا استمروا فى الاعتياد والغرور وعدم المبالاة بوجود هذه النعم.
ووقتها بس مش بيكون عندهم غير الحسرة علي ما فات وقتها بس بيقولوا لنفسهم ياليت الزمان يعود يوماً.
الاعتياد والغرور فى حياتنا يعتبر سلاح ذو حدين![👌](https://static.xx.fbcdn.net/images/emoji.php/v9/t7b/1/16/1f44c.png)
![👌](https://static.xx.fbcdn.net/images/emoji.php/v9/t7b/1/16/1f44c.png)
اذا تعودنا على وجودنا في العمل و غرورنا كان نابع من تطوير حقيقي لانفسنا دون أن نفقد الاهتمام بالعمل و شكر ربنا علي وجوده فى حياتنا ستزيد النعم وننعم بحياة سعيدة ونشعر بالرضا.
اما اذا تعودنا على وجودنا في العمل و غرورنا كان سبب إننا لا نسمع إلا صوت انفسنا فقط لدرجة فقدان #أهمية_العمل بالنسبة لنا لدرجة الإهمال وعدم التطوير من انفسنا ستزول هذه النعم ونشعر بالتعاسة وعدم الرضا والسخط علي حياتنا.
علشان كده لازم نحس بوجود النعم فى حياتنا ونهتم بها ونفضل نشكر ربنا عليها فى كل وقت.
النعم مش شرط تكون فلوس أو جاه بس ![🎯](https://static.xx.fbcdn.net/images/emoji.php/v9/tb0/1/16/1f3af.png)
![🎯](https://static.xx.fbcdn.net/images/emoji.php/v9/tb0/1/16/1f3af.png)
النعم ممكن تكون صحه كويسه وعائلة جميلة ووظيفة شريفة ناكل منها بالحلال أو سمعة وسيرة طيبة تدوم حتي واحنا مش موجودين.
ربنا وهبنا نعم كتيرة أوى فى حياتنا لازم ننتبه لها ونهتم بها و نحسن استغلالها ونحس ونقدر وجودها فى حياتنا.
و افتكروا دائماً قوله تعالى بسم الله الرحمن الرحيم "ولَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ"
صدق الله العظيم
علشان لازم نراجع نفسنا كويس اوي من كل وقت للتانى علشان نتغلب على أخطر مرض فى الكون ونحول حياتنا من الدمار إلى العمار.
واخيرا .... إياك أن تألف النعم حتى لا تفقد اهتمامك بها و تنصدم بزواليها.
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
![](https://1.bp.blogspot.com/-VQTVqnkK0QE/XcCNe34REuI/AAAAAAAAAHw/UoBrHql9iZsB3grb4Sx-F13qZryeFZr1wCNcBGAsYHQ/s1600/sub.png)
0 تعليقات