من أحد أهم الأسباب إللى بتخليك مش بتعرف تتقدم خطوة واحدة فى حياتك وبتخليك كمان مش بتعرف تحقق أهدافك حتي لو كانت أهداف بسيطة وسهلة هو #الشك_وسيطرة_المشاعرالسلبية علي حياتك
الشك هو العدو الوحيد للإنسان لأنه بيسطر دائمآ على أفكارك لما بتكون عايز تحقق أى إنجاز في حياتك، وده السبب إللى ببخليك دايمآ مش بتكمل في أى طريق بتبدأ فيه لأنك بتكون مع الأسف بدأت الطريق وفي أفكار معينة مسيطرة عليك ولكن فجأة بتكتشف أن الأفكار دى مش بتساعدك أنك تكمل إللى بدأته وممكن بسببها تهد المعبد وتفقد كل حاجة حلوة في حياتك.
وفي الغالب بتكون النتيجه أن الجميع بيلوموك و كمان أنت نفسك #بتلوم_نفسك على الفشل وعدم قدرتك على إستكمال الطريق وعلي فقدانك لكل حاجة في حياتك، وده نتاج طبيعي جدا ومنطقي للشك إللى جواك فى قدرتك على تحقيق أى حاجه فى حياتك مهما كانت الظروف أو المواقف أو الأشخاص إللى بتمر عليك، وده كمان نتاج طبيعي للشك اللي ممكن يتزرع جواك بدون وعي منك واستجابتك لضعاف الثقة في انفسهم اللي ممكن يخلوك عايش #فاقد_للثقة_في_نفسك_وفي_غيرك.
تحقيقك لأى إنجاز فى حياتك مش بيكون متوقف على الظروف ولا المواقف إللى بتمر بها فى حياتك ولكن بيكون متوقف ومرهون على مدي قدرتك على التعامل مع المواقف والظروف دي والحكمة في قراراتك وقدرتك علي احسان التعامل مع المتغيرات.
تحقيق اي انجاز في حياتك بيكون متوقف على مدي #ايمانك_بنفسك وبقدراتك وثقتك فى نفسك ومدي رغبتك فى الوصول إلي الإنجاز ده وحفاظك علي حسن الظن في الله اولآ وفي الناس اللي معاك لان اساس اي علاقة بين اطراف هو #وجود_الأمان
علشان كده لازم تعرف أن الشك إللى بيكون جواك لما بتكون مقبل على تحقيق أى شئ فى حياتك ويزيد اكثر لما بيكون في حد بطبعه شكاك استحوذ علي تفكيرك بدون وعي منك.
علشان كده الشك هو أكبر عائق ممكن يخليك تفضل طول حياتك مش عارف تحقق أى حاجه وطول حياتك بتفقد كل حاجة حلوة لدرجة انك بتوصل لمرحلة من #الإحباط_واليأس وبيتولد جواك مشاعر إنك مظلوم والعالم كلها وحشة.
وهنا بقي يجي #دور_الشيطان اللي يخليك تفكر بشكل غير متزن وغير اخلاقي لدرجة إنك تلوش في كل الناس وتبقي مش عارف مين الصالح ومين الطالح لحد ما تبقي وحيد والناس كلها تنفر منك ومن التعامل معاك وصولآ الي ما يسمي ب #الانتحار_النفسي وهذا ما يحتاجه الشيطان والعياذ بالله.
وعلشان تتخلص من الشك ده لازم تدرك إن أنت الوحيد القادر على تحديد مصيرك أنت الوحيد القادر على الانتصار على ذاتك انت الوحيد اللي لازم تتحكم في ردود افعالك وتصرفاتك وانت الوحيد اللي لازم تحسن الاختيار وتتمتع بالحكمة في احكامك و في قراراتك.
الشخص إللى بيكون قادر على الإنتصار على نفسه مستحيل تهزمه الظروف ولا المواقف لأنه بيكون عارف كويس أوى إزاي يقدر يتحرر من الأفكار والمشاعر الخداعة بيكون عارف إزاى يقدر يتحرر من كل التصورات الكاذبة اللي بيعتقدها عن نفسه وعن الآخرين.
من أحد أهم الأساليب إللى تخليك توقف الشك عند حده إنك تتعلم #أسلوب_التوكيدات والحديث الذاتي الإيجابي.
التوكيدات هي إنك تقول لنفسك :-
أنا أقدر أحقق إللى عايزه انا أستطيع إنجاز هدفي انا أثق فى قدراتي وإمكانياتيأنا مسئول عن اختياراتي وقراراتي أنا اثق أن ربي لن ولم يخذلني مادمت أسعي وأجتهد واحسن الظن به وبالأخرين. وزي ما بيقول المثل الصيني :-
" ازرع شجرة خضراء فى قلبك وسيعيش بها الطائر المغرد "
يعنى إللى هتزرعه جواك من أفكار ومشاعر هو إللى هتعيش به طول حياتك لو زرعت الشك جواك هتعيش به ولو زرعت الثقه جواك هتعيش بها .
والآن الإختيار لك يا صديقي فأيهما تختار ؟ 
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات