مجموعة من النصائح الفارقة فى حياتك ك سيلز مان، لمجرد بس إنك تدركها وتبدأ تاخدها بعين الإعتبار هتكون بتضمن تغيير حياتك المهنية للأفضل.
1️⃣ إنك تكون قادر على تقبل النقد وتكون عارف إن أى رأي مخالف لوجهة نظرك أو فيه نقد لطريقة عملك ممكن يكون نقطة تحول بالنسبة لك للأفضل لو بس أنت فكرت فيه بطريقة مختلفة متجردآ من المشاعر السلبية المتكونة تجاه هذا الرأى أو النقد.
2️⃣ إنك تكون قادر على التحكم فى ردود أفعالك تجاه الأشخاص إللى بتتعامل معاك والمواقف إللى بتمر عليك كل يوم، لأنه مهم جدآ لرجل البيع الناجح إنه يكون مدرك أن حياته العملية والشخصية 90% منها بيتشكل من خلال ردود أفعاله وانفعالاته.
3️⃣ إنك تكون قادر على تجنب تكوين انطباع سلبي عن أى عميل مهما بدر منه لان انطباع رجل البيع عن العميل قد يصيب وقد يخطأ ولكن عليك أن تهتم بإنطباعات العملاء تجاهك وتجاه ما تقدم من منتجات أو خدمات.
4️⃣ إنك تكون قادر على تقبل الفشل والإخفاق فى إتمام جزء من صفقات البيع وهذه حقيقة لا يوجد رجل بيع قادر على إتمام 100% من صفقات البيع ولولا وجود هذه الإخفاقات لن تتعلم شئ وتتطور علشان كده اوعي تخلي خوفك من الفشل يمنعك من أن تطرق أبواب الناجحين.
5️⃣ إنك تكون قادر على تحليل أرقام البيع من خلال وجهات نظر مختلفة متجردآ من وجهة النظر الشخصية ولا تبني شئ إلا بناء على معطيات واضحة ومحددة قابلة للقياس واحذر إنك تعمم حاجة إلا بعد أن تتأكد إنها حالة عامة وليست حالة خاصة.
6️⃣ إنك تكون قادر على الإستماع الجيد وتتجنب كثرة الكلام وتشغل ودانك أكثر من لسانك وخليك فاكر ان لسانك حصانك إن صنته صانك وإن هنته هانك علشان كده تحدث قليلا واستمع كثيرآ.
7️⃣ إنك تكون قادر على الوفاء بوعودك مهما كلفك الأمر من وقت أو مجهود أو حتي فلوس المهم إنك تفهم كويس إنه مفيش رجل بيع ناجح ومتميز منافق أو بيوعد وببخلف دايما راعي ربنا فى مل تعاملاتك وتصرفاتك سواء بالقول أو الفعل وادعوا إلى ربنا بأخلاقك.
8️⃣ إنك تكون قادر على إمداد عملائك بكل ما يحتاجوا من معلومات أو فوائد لمنتجاتك أو خدماتك ويكون عندك اجابات واضحة لكل استفساراتهم أو اعتراضاتهم وتعرف إن اعتراض العميل أو استفساره ممكن يكون سبب رئيسي فى اكسابك معلومة جديدة عن ما تقدمه.
9️⃣ إنك تكون قادر على الفصل بين مشاكلك الشخصية والعمل وتبعد عن السماح لأى مشكلة فى حياتك إنها تفقدك الحماس على إنك تنجح وتكمل المشوار وتحقق المزيد من النجاح وخليك دايما فاكر ان التفكير فى المشاكل عمره ما هيوصلك للحل ولكن بالعكس الواحد بيكون محتاج انه يفصل دماغه من التفكير فى المشاكل علشان يقدر يوصل لحلول مبتكرة وجديدة.
🔟 ............ اسيبك انت بقي تقولى فى التعليقات ايه هي النصيحة العاشرة من واقع خبرتك ك سليز مان محترف
إلى اللقاء
كريم محسن
https://www.facebook.com/KarimMohsenConsulting/
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات